Opphavleg artikkel:
Gate 1 i Måløy blir stengd for gjennomgangstrafikk i samband med sanering og riving av eit brannskadd hus (Vengengården). Stenginga er naudsynt for å sikre både harde og mjuke trafikantar, og dei som arbeider på området.

Vi ber trafikantar om å følgje skiltinga på staden, slik at trafikken kan gå så smidig og trygt som mogleg medan Gate 1 ved Vengengården er stengd.

Arbeidet er planlagt å gå føre seg i om lag fem arbeidsdagar - til og med fredag 2. oktober. Medan arbeidet pågår, blir Gate 1 stengd ved arbeidsområdet, og biltrafikken blir ruta om via Gate 2. Trafikk frå ferjekaia som skal mot sentrum, blir skilta via Raudeberg og vidare inn på Gate 2. 

Fotgjengarar kan passere

Gangvegen på nordvestsida av Gate 1 blir halde open under arbeidet. Fotgjengarar skal bruke denne sida av vegen for å passere arbeidsområdet. Det blir sett opp skilt og anleggsgjerde for å leie folk trygt forbi. 

For dei som bur og ferdast i området, betyr arbeidet at det kan bli meir trafikk i Gate 2 og noko lengre køyreveg medan Gate 1 er stengd. Følg skiltinga på staden.